بُنداتی ترازکاری گۆن موبایلا

• گێشێن بَهرانی بُرَّگ و گار دَیَگ: چَه بُرّ و برین و بُرّگئی اَزبابا پَه ویدیویی گئیرزَلورێن بَهرانی گار دَیَگا بَهر بُزوریت. اے کار شمارا کُمَکَ کَنت که ویدیوا مُهرتِر کَنێت.
• ساز و تَوارئی گێش کَنَگ: چَه پُشدَرێن ساز و تَواری اِفکتان پَه چارگئی سَرآمدیئی گِهبودا بَهر بُزوریت. جوانێن سازئی گِچین کَنَگ توانت که گِهتِرێن هال و هوایئی جۆڑ­ کَنَگا مان ویدیویی تَها کُمَک بِکَنت.
• ویدیویی راه دَیَگ پَه هَبَری دیرگِندان: اَگَن لۆٹیت که وتی ویدیوانا پَه هَبَری دیرگِندان راه بدییت، گِهتر اِنت که چَه ساز یا تَواری افکتانی گێش کَنَگا پَهریز کَنێت. ویدیوانی راه دَیَگ بُنداتی دُرۆشما و بےگێشێن بَدَلی­یان جوانتِر اِنت.
• رَنگ و رُژنئی میزان کَنَگ: چَه ترازکاریئی اَزبابان پَه ویدیویی رَنگ و رُژنئی میزان کَنَگا بَهر بزوریت. اے میزان کَنَگان پَه ویدیویی گِندَگی اَلکاپی­یا و رَنگانی هَمگِرنچ کَنَگئی گِهبودا کُمَکَ کَننت.
• بَهر زورگ چَه مُپت و ایمِنێن ترازکاری اپلیکیشنان: چَه ویدیویی ترازکاری اپلیکیشنان چۆ که inShot، iMovie، CapCut بَهر بزوریت. اے اپلیکیشنان گُهُرت و مُپتین اَزبابانے پَه ویدیوئی ترازکاریا دێما آرَنت و پَه آسانی دَستا کَپَنت.

گێشێن دَزبۆجان موبایلئی تامُرگیریئی دَرگَتا

• چَه سئی­پادَگا بَهر زورَگ: پَه ایشا که مُهرێن و ­ بےلَرزَگی شُبین شمئی دَستا بِکَپیت، چَه گوَندُکێن سئی­پادَگان که هاسّ پَه موبایلا اَنت، بَهر بُزوریت.
• گیمبال: پَه تامُرگیری مان سُرَگئی دَرگَتا، چَه گیمبال بَهر بُزوریت. گیمبالان نَلۆٹتَگێن لَرزَگانا کَمَّ کَنَنت و بُتگیرئی سُرَگانا رَوانَ کَنت.
• گێشێن لِنزان: پَه شُبینانی اَلکاپی و بازرَنگی­ئی گِهبودا، چَه موبایلئی هاسّێن گێشێن لِنزان چۆ که واید، مایکرو و تله­فوتو لِنزان بَهر بُزوریت. اے لِنزان شُبینانی گِرَگئی مۆها گۆن وَڑوَڑێن کِنِکّان و گێشتِرێن هُردُکێن چیزان دَستا آرَنت.

بایَدان:

• چَه جوانێن رُژنا بَهر زورَگ: هَر وَهد چَه جوانێن رُژنا پَه تامُرگیریا بَهر بزوریت. کُدرتی رُژن یا اَلکاپێن دَستکِردین رُژنئی سَرچَمَّگان توانَنت پَه ویدیوئی ساپ و اَلکاپی­ئی گِهبودا کُمَک بِکَننت.
• توارئی اَلکاپی­ئی چارَگ: وَتا دِلجَم کَنێت که تَوار مان ویدیوا ساپ اِنت. بَهر زورَگ چَه ڈَنّی جاکوان و ­ بےتوارێن جاهانی گچین کَنَگ، پَه تَوارئی اَلکاپی­ئی گِهبودا کُمَکَ کَنت.
• بَهر زورَگ چَه اۆتاگبَندیانی رَهبَندان: چَه اۆتاگبَندیانی رَهبَندان چۆ که سئی­یَکّئی کانودا پَه چَمّگِر و جوانێن شُبینانی گِرَگا بَهر بُزوریت. اے رَهبندان پَه ویدیوئی گِندَگی اَلکاپی­ئی گِهبودا کُمَکَ کَننت.
• اَلکاپێن پُشتپانی­گِری: چَه وَتی بازشَرّین ویدیوان پشتپانی کاپی بِگِریت. اے کار چَه دادَه­یانی گار بَیَگا دێمگیریَ کَنت.
  

نَبایَدان

• چَه نِزورێن رُژنا بَهر زورَگ: چَه تامُرگیری مان نزورێن رُژنی جاوَران پَهریز کَنێت. پَرچے که اے جاوَران شُبینئی اَلکاپی­یا کَمَّ کَنَنت و گانژ و گینژ ویدیوئی تۆکا کارَنت.
• وَتی­جِندی هَریمئی دِلگۆش گوَر نَکَنَگ: چَه هاسّین مَردُمان و جاهانی تامُرگیری­یا ­ بےاجازَتا پَهریز کَنێت. اے کار توانت که کانودی جَنجال و وَتی­جِندی هَریمائی پُروشَگئی سَوَب بِبیت. 
• نازَلورێن اِفکتانی گێش کَنَگ: چَه نازَلورێن تَواری یا گِندَگی اِفکتان گێش کَنَگ مان هَبَری ویدیوان پَهریز کَنێت. اَگَن آیانا پَه رَسانکان راهَ دئییت، گِهتِر اِنت که ویدیوانا بُنداتی دُرۆشما و بے­گێشین بَدَلی­یا راه دئییت.
• نازَلورێن پَروَندهانی دارَگ: چَه نازَلورێن یا گێشین پَروَندهانی دارَگا مان وَتی دَزگاها پَهریز کَنێت. اے کارَ توانت که پَه هَمبار کَنَگئی جاهان و دادَه­یانی ایمنی­ئی گێش کَنَگا  کُمَک کَنت.